2009/10/30

වශී බන්ධන ගුරුකම් හා සංඝරත්නය


පත්තරයක් ගත් විට වාර්ථා හා කාලීන සිදුවීම් වලටත් වඩා දැන් බහුලව දක්නට ඇත්තේ පිටු පුරාවට වශී ගුරුකම් හා ගුප්ත ක්‍රීයාකාර කම් පිලිබදව දැන්වීම්ය. සියළු දේ කෙරෙහි විදය්‍යාත්මකව බලන මේ කල්හී මෙවැනි ගුප්ත කර්ම පිළිබදව විද්‍යාවන් හා ගට්ටනයක් නැතුවාම නොවේ. මෙවැනි ගුප්ත කර්ම වල ඇත්ත නැත්ත සත්‍යය අසත්‍ය තාව පිළිබදව මා දන්නේ නැත. ඒ පිළීබදව මාහට අත්දැකීම් නොමැති නිසාවෙන් ඒ ගැන තර්ක කිරීමෙන් ද ඵලක් නැත. නමුත් පත්තරවල තියෙන ගුප්ත දැන්වීම් පිළිබදව නම් බොහෝ දේ කථා කල හැකිය.

ගුප්ත ක්‍රියාකාරකම් මගින් දුගී දුප්පත් අසරණ දරුවන්ට උදවු උපකාර කරන්න මොවුන් සියළු දෙනාම දේශපාලඥයන් මෙන් ජාතික පත්තර මගින් පොරයකට වැටී තිබේ. මොවුන් සියළු දෙනාගේම දැන්වීම් බහෝදුරට ඒක රූපීය. එකම Template එකය එහි ඇති නම් පමනය වෙසකට ඇත්තේ. බොහෝ දැන්වීම් වල ලිපිනයන්ද එකම ගමක ලිපිනයන් ය. මොවුන් සියළු දෙනා රෝඩී කියයි, හුලවාලී කියයි, නීච කුල කියයි. අතීතයේ පැවති කුල බේදය වර්ථමානයේ සමාජයෙන් මැකී යන කාලයක මෙවන් පුද්ගලයන් එම නීච කුල යන වචනයම ගෞරව නාමයක් මෙන් තම නමට ඈදෑ ගැනීමට පෙළබී ඇති බවක් පෙනෙන්නට තිබේ. තවද මොවුන් සියළුදෙනාම ඕනම කෙනෙකුට ගුප්ත බලය මගින් අභියෝග කර තමාගේ ගුප්ත ශක්තිය ප්‍රදර්ශණය කරන බවද පවසයි. සත් සමුදුරෙන් එහාටද තමාගේ බලපරාක්‍රමය බලපවත්වන බවත් පවසනු ලබයි. ඉතින් මොවුන් කොතෙක් පුරසාරම් බෑවද කවරෙකුවත් අභියෝග බාරගත් බවක් වත් ප්‍රසිද්දියේ තම බල පරාක්‍රමය පෙන්වූ බවක් වත් දක්නට නැත.

නිතරම චන්ද පරදින වැලේ වැල් නැතිව ඉන්න දේශපාලඥයින් ද මොවුන්ගෙන් සේවාවක් ගන්න බවක් පේන්න නැතිය. ඒ වගේම බලයේ සිටින අයට විරුද්ධ පක්ෂයට වඩා මෙම ගුප්ත කරුවන්ගෙන් ප්‍රවේශම් විය යුතුවෙයි. මොකද මේ තරම් බල පරාක්‍රමයන් ඇත්තෙක් පාලක පක්ෂයට වශීයක් හෝ ගුරුකමක් මගින් නූල් පන්නා දෙහි කපා සිංහාසනාරූඩ වීමට ද බැරි කමක් නැති නිසාය. තවද මානූෂීය මෙහෙයුම කාලයේ ප්‍රභාකරන් ලොක්කා හොයන්න ජීවිත පරිත්‍යාගයෙන් වලි කෑ වේලේ අදුන බලන පොඩි හාමුදුරුවන් ලව්වා ෙලහෙසියෙන්ම ඒ ගොන් ඩෝලා සිටිය ඉසවුව බලාගන්න තිබුනේය. අවාසනාවකට යුධ හමුදාපති තුමා හෝ ආරක්ෂක ලේකම් තුමා අදුනෙන් බලන තාක්ෂණය ගැන නොදැන සිටින්න ඇති. ඒත් දැන් වුනත් කාලය තියේ. ඔන්න මේ ගුප්ත සාස්තරය ප්‍රගුණ කල ඇදුරුතුමන්ලාගෙන් කවුරු හරි ඉදිරිපත් වෙලා ලංකාවට කුඩුකේට්ටු කම් කරන හිලරි ‍දැරීවිව දැලේ දාගන්න සත් සමුදුරෙන් එහාට බලපවත්වන වශීයක් කලොත් ඔන්න නියම වැඩකාරයෙක් කියන්න පුළුවන්. හිලරි කිකිළීව දපනේ දා ගත්තොත් වැඩේ ගොඩේ ගොඩය. තවද ජිනීවා වැනි ජගත් සංවාද සංවිධාන ආමන්ත්‍රනය සදහා රාජ්‍ය අමාත්‍ය වරුන් යවනවා වෙනුවට වෙමැනි වශී ගුරුකම් ලා කෙල පැමිණිය අයෙක් හෝ කාන්ඩයක් යවන්නේ නම් මහත් ඵල මහත් ආනිසංස ලබා ගනු හැකි වෙනු ඇත. ඒ සදහා වැඩේ හරි ගිය පසු තැපෑලෙන් නොව ගෙදරටම ලක් වාසී සියළු දෙනාම පුද පඩුරු හා පූජා භාන්ඩ සපයා වී. ම්....ඒකෙන් කාරි නැහැ.

කවුරු නීච වුනත් කවුරු රොඩී වුනත් අපට කම් නැත. මනුසත් කම මිසක අපට කුල ප්‍රශ්නයක් නැත. නමුත් බෞද්ධයන්ගේ උත්තරීතර සංඝරත්නය රොඩීන්ගේ නීච කුලයන්ගේ රැකියාවන් කරන තැනට පත්වනු බලාසිටීය නොහැක. බුදුන් වහන්සේ ධර්මය දේශනා කලේ වශී මන්ත්‍ර ‍ජප කිරීමෙන් නොවේ. දුගී ජනයාගේ සිත් සුවපත් කලේ දෙහි කැපීමෙන් නොවේ. තමාගේ පිහිට පතන ජනතාව සොයා ගියේ අදුනින් බලා නොවේ. ඒ වගේම ගිහිගෙයින් නික්මී සිවුර දෙවුර ලා පැවිදි දම් පුරන්න සාසනාරූඩ වන්නේ මුදල් හම්බ කිරීමට නොවේ. තමාගේත් හත්මුතු පරම්පරාවේත් ලෝවැසි ජනයාගේත් නිවන් අවබෝධය පිණිස දහම් අවබෝධය තකාය. නැතුව හැර ගිය පෙම්වතා ගෙනත් දෙන්නවත් රූබර ලදකගේ ඇසුර තව කෙකුට ලබා දෙන්නවත් නොවිකෙන ඉඩම් කාගේ හෝ ඇගේ ගසා දීමටවත් තම විරැද්ධ වාදියාට පාඩමක් උගන්වා උගේ ජීවිතය කාලකන්නි කිරීමක් කර දීමටවත් නොවේ. අදුන බලා සොරුන් අල්ලන්න දනීනම් ඔහු පැවිදි දිවියට නොව රහස් පොලීසියට අනියුක්ත විය යුතුය. එමගින් විශාල මුදල් සම්භාරයක් සොයාගැනීමට හැකිවාක් පමනක් නොව රටට විශාල සේවාවක් කිරීමටද අවස්ථාවක් ලැබේ. සිවුර දරා මෙවැනි ගුප්ත වැඩ කිරීමෙන් සාසනයටද අගෞරවයක් සිදු කරනු ලබයි. සංඝරත්නය මෙලෙස බාල බොළද වැඩ කිරී‍මෙන් වෙනත් ආගමිකයින් සිතාවී මෙයත් මේ බුදුන් දේශනාකල ධර්මයක් මැයෙන්. ඉතින් උත්තරීතර නිර්මල බුද්ධ දර්මයේ නිර්මලත්වයට කුමක් සිදු නොවේද? තවද මෙවැනි සංඝරත්නය සම්බන්ධ දැන්වීම් ප්‍රසිද්ධ මාධ්‍යයන් මගින් ප්‍රචාරය කිරීමෙහි වාරණයක් යොදන්න බැරිද? සාසනයේ විනය පාලනයට කුමක් සිදුවීද? මෙලෙස ඩෙගා නටන ස්වාමීන් වහන්සේලා කෙරෙහි විනය ක්‍රියා මාර්ගයක් ගැනීමට නායක ස්වාමීන් වහන්සේලා හෝ භික්ෂු විනය පාලක ස්වාමීන් වහන්සේලා ඉදිරිපත් නොවන කාරනයක් වටහා ගනු ෙනාහැකිය.


2009/10/27

Cookery යාවී කාලේ සොකරී

ඔන්න තවත් අළුත් විදිහේ සංදුවක් ලිවුවා. මේක මේ චින්ති ලොක්කගේ Style එකට නව පන්නයේ ඔය Show එක දාන කෙල්ලෝ ගැන ලිපු එකක්. දන්නවනේ Tea එකක් වත් හදා ගන්න බැරි කෙල්ලෝ ඉනන්වනේ ලංකාවේ දැන්. ලෝකේ නැති පාට ගොඩක් ඇස්වලයි බැමිවලයි අරවගෙයි මේ වගෙයි උලාගෙන තුන්කාලේ ඩෙනිමක් ලිහිසි තෙල් හරි මොනා හරි දාලා යන්තම් උඩට උස්සගෙන MAYA 64 Bit දාලා කොල්ලගේ Pocket එකටත් විදලා ඌටත් Boot එක තියලා අන්තිමේදි කසාද බදින්න කිට්ටු වෙනකොට Cookery Class යනවා. ගිහින් මොනාද ඉගෙන ගන්නේ පොල් සම්බෝල හදන්න. අහ් මෙයාලගේ කටේ අර කොහොල්ලෑ ගුලියයි Sorry අනේ Word එකයි නම් නැතිවේන්නෙම නැහැ. හනේ.........ලංකාවට වෙච්ච දේ.....කියවලා බලන්නකො R&B වගෙ Beat එකක් හිතේ තියාගෙන.

හීනි ඉග සුග මීන නෙතු යුග
මනමත් කරවන බැලුම් හෙලා
මුසා දොඩා පෙම් හද් රිදවා
Cookie කාවී නව නාරී


පුදුමයි ලෝකේ නව නාරි
සාරී ඔසරී ඇ නාදී
කාලී වාගේ හැඩ වැඩ වී
පාරේ යාවී කාලේ සොකරී


පුදුමයි ලෝකේ නව නාරි
ගෝරී දාවී කියා Sorry
නොදනී කියා හරි හැටි recipe
Cookery යාවී කාලේ සොකරී

2009/10/24

මල් රැජින

සියොලගම හිරිගඩු පිපෙන සීතලම සීතල හිමිදිරි පාන්දර හිරු රැසින් ඉදුල් නොවුනු දුහුල් මීදුම් සේල අතරින් විකසිත වන්නනට අර අදින සුදුපාට පුංචි පුංචි මල් පෙති වගේ සීතලේ ගැහි ගැහි පිය මනින මල් කෙල්ලන් අතරේ මල් රැජිනක් වගේ. සුළගට එරෙහිව දගකරන මල් රේනු වගේ දගකාරකම. තුෂාරාවන් ගෙන් ප්‍රීති ප්‍රමෝදයට පත් බට්ටිච්චන් මෙන් කිචිබිචි ගාන්න සලිත කරනා තොලගේ කැල්ම. ආල වඩන්න හිතෙන ඒ හුරතලය. උපමා උපමේය නොදන්න පුංචිම පුංචි හිතක් එක්ක ආලවඩයිද ඒ මල් රැජින.



කුමරියේ මල් මල් විලේ
පිපිලා මල් කෙල්ලන් අතරේ
මල් රැජිනක් වී හිම මීදුමේ
නොඉදුල් මල් සුව සීතලේ


රගදෙන මල් රොන් සුළගට
දග වැඩි එයි ඔය තරමට
හරිම බොලද නුබෙ හදවත
සත්තකින්ම වටිනවා මට


පොපියන දෙතොළග කැල්මට
උපමා නැහැ තව මිහිමත
ආලවඩන පොඩි හිතකට
දෙනවද ඔය මල් රොන් සුව

2009/10/22

පූජා වී නැත තාමත් අශෝකමාලා

සාලිය අශෝකමාලා දෙන්නාව කවුරු කවුරුත් දන්නවා නොවැ. ශ්‍රී ලාංකීය ආදරණිය පෙම් පුරා වෘත්තයන්ගේ සදාතනික පෙම් වෘතාන්තයක් නොවැ. මටත් හිතුනා ටික වෙලාවකට සාලිය කුමරා වෙන්න. මම ගියේ ඉස්සෙල්ලාම සාලිය කුමාරයාට අශෝකමාලාව හම්බ වුනාය කියල හිතින් මවා ගත්ත ස්ථානයකට. කොටින්ම කියනවනම් දෙන්නා Scene එකට ඉස්සෙල්ලාම Enter වුන තැනට. ඒ වේලාවෙදි අපි අතරේ සිදුවුන දෙබස තමයි මම පහතින් පෙළ ගස්සවලා තියෙන්නෙ.(පරණ සිංහල හරි පරණ හිංදි හරි චිත්‍රපටයක ගීතමය ජවනිකාවක් කියලා හිතාගන්නකෝ)


ඔන්න සාලිය කුමාරයා අශ්වයා පිටින් ටක්කුට ටක්කුට ටක්කුට කියල ගමනක් යන ගමන් ලස්සන ගැහැනු ලමයෙක් දැකලා Break පාරක් ගහනවා. අශ්වයා බුහේ..හ්.එහ්..එහ්..හොග්..බුකුන් බුකුන් කියල සද්දයක් දලා (හේෂාරව ) අශ්වයා නවතිනවා. සාලිය කුමාරයා අශ්වයා පිටින් බහිනවා. අශ්වයා පිටින් බැහැලා වටපිට ටිකක් බලලා කාරිය ගැහැනු ලමයා ලගට කිටුවෙනවා. ලමයා මල් කඩ කඩ ඉන්නෙ. (Mobile එකෙන් නම් නෙවෙයි ) හැබැයි මේ වෙනකොටත් සාලිය කුමාරයා අශෝක මාලා නම් රුවැත්තිය ගැන කනින් කොනින් අහලා තිබුනේ. ඒත් දැකල නම් තිබුනේ නැහැ. ඒ උනාට අහල තිබුන විස්තර අනූව අනුමාන කර ගන්න අපහසු උනේ නැහැ මේ අර කිව් රුවෙත්තිය බවට. ඔන්න දැන් ගීතමය දෙබස පටන් ගන්නවා..ෂ්..ෂ්..ෂ්..ෂ්..ෂ්..ෂ්.ෂ්


සාලිය                - අශෝක මාලා නුබදෝ මේ පුර වෙසෙනා
                           අසා තිබුණි නැත එනමුදු කිසි දින දැකලා
අශෝකමාලා    - අශෝකමාලා මම මල් මාලා ගොතනා
                          නොදනිමි නුබ කවුරුද මට කියන්න කුමරා


සාලිය               - මල් අතරට මලකී නුඹ අශෝක මාලා
                          මල් නෙලාන පලදිනවද කියන්න මාලා
අශෝකමාලා   -  හරිම තුටක් ඇතිවුනා නුබේ ඒ බස් අහලා
                         බුදු සමිදුන් නමදිනවා මේ මල් තියලා


සාලිය               - මල් පිපෙන්නෙ බබරුන්ටයි දන්නවද ඔයා
                          බබරෙකු හට හිත දිලද අශෝක මාලා
අශෝකමාලා   - බබරුන් කෙතරම් ආවත් ගීතිකා ගයා
                         පූජා වී නැත තාමත් අශෝකමාලා

2009/10/21

කරන්නන් වාලේ කරන්නට ගොස් ඇන ගත්තු Reality පෙරහැර

     වර්ථමානයේ රූපවාහිනී මාධ්‍යය ය තුල Reality Show නැතිවම බැරි අංගයක් වී ඇති තැනට කටයුතු සිදුවී ඇත. ඒ නිසා විය යුතුය එකෙක් පරයා තව එකෙක් අනෙකාට නොදෙවෙනි වන ලෙස Reality Show කරන්නට පෙළබී ඇත්තේ.


     ස්වකීය දේවල් ඉදිරිපත් කිරීමට තරම් ධෛර්යයෙන් මද සිරස කොහෙන් හෝ පිට රටකින් කුමක් හෝ කසල ගොඩක් උස්සාගෙන විත් අපේම දෙයක් මෙන් ඉතාමත් මනස්කෘත සැරසිලි මගින් ආවරනය කර දෙනෙත් හරහා අපගේ හිස් තුලට බ‍ලහත් කාරයෙන් ම ඔබ්බවනු ලබයි. අපිද ඒ සිරිකිතයන් තළු මර මර රසවිදින්නෙමු. එලෙස ගෙනා එක් වැඩසටහනකි Sirasa Super Star. එය කොතෙක් දුරකට ජනප්‍රිය වූයේද යත් දැන් හැම චැනල් එකකම කුමක් හෝ Star වැඩසටහනක් ඇත. ස්වාධීන රූපවාහිනිය , දෙරණ රූපවාහිනිය, ස්වර්ණවාහිය හා ජාතික රූපවාහිනියද මේ ආකාර අනුකාරක වැඩසටහන් ඉදිරිපත් කලාද කරමින්ද සිටී. නමුත් ඔවුන් කාහටවත් සිරස තරම් ලස්සනට මේවා පාර්සල් කිරීමට නොහැකි නිසාවෙන් තවමත් මෙහි අංක 1 ස්ථානය සිරස සරි කරගෙන ඇත. එහි විවාදයක් නැත.


     ස්වර්ණවාහිනිය තමන්ගේ බල පුළුවන් කාරකම රටටම පෙන්වන්න සතියේ එක දිනකට පමනක් සීමා නොවී සතියේ දින 5ක් පුරාවට නෙක නෙක Reality වැඩසටහන් ඉදිරිපත් කරන්නට යෙදුනි. ජයග්‍රාහකයන්ට අසීමිත වටිනාකම් වලින් යුත් තෑගි බෝග ඉදිරිපත් කරන ලදි. Loving star කියා ඉතාමත් ජරාකෘත වැඩසටහනක් ඉදිරිපත් කර ඇන ගත්තේය. Shadow Star, Siging Star, Comedy Star, Talant Star කියා නොයෙක් නම් වලින් ඉදිරිපත් කොට අපට රෑ අහසේ තරුවක් දැක්කත් මල පනින තරමටම Stars එපා කරවීය. Twinle twinkle little star සින්දුව ඇහුනත් දැන් යකා නගින්නේය. ඒ තරමටම ඒවා මෙලෝ රහක් නැති ගුනාත්මක බවින් මද (Low Quality) වැඩසටහන් ගොන්නකි. කෙටියෙන්ම කිවුවහොත් කරන්නන් වාලේ කල වැඩසටහන් මාලාවකි. තමන්ගේ වත්කම් හා ඇති හැකියාවන් පුරසාරම් දොඩන්න ඉදිරිපත් කල වැඩසටහන් මාලාවකි. එහි ගුනාත්මක බව කොතරම්ද පහත් ද කියා අවසන් මහා තරගයේදි මනාව විද්‍යාමාන විය.


     දක්ෂ වෘත්තීය නිවේදකයකු වන ලහිරු එදා නිවේදනය කරනවා වෙනුවට බෙරිහන් දී කෑ ගසා ඉල්ලාගෙන කෑවේය. වෘත්තීය නිලියක වන අනුෂා ලහිරුට වඩා කැපීපෙනෙන ඉදිරිපත් කිරීමක් කලේය. Siging Star වලින් අවසන් මහා තරගයට ඉදිරිපත් කල තිදෙනා නම් මේලෝම රහක් නැත. ඔවුන් අවසන් මහා තරගයට තේරීපත් වුනේ සැබැවින්ම SMS මගින්ද නැතහොත් සංවිධායක වරුන්ගේ ඕනෑ එපා කමකටදැයි අපි නොදනිමු. SMS මගින් තේරුන අයනම් මීට වඩා ආකර්ශනීය වුත් දක්ෂවූත් ගායනයක් එදා ඉදිරිපත් කල යුතුව තිබිණි. නමුත් එය එසේ නොවිනි. තවද වේදිකාව මත ශබ්ද පරිපාලන‍යෙහි (Sound Controling) කිසිදු වෘත්තීය බවක් නොදුටුවෙමු. එමගින් තරග කරුවන් තිදෙනාගේ හැකියාවන් තව දුරටත් පහත හෙලන ලදි.


     දෙරණ Dream Star සිරස Super Star යම් ගුනාත්මක බවක් රදවාගෙන මෙම Reality වැඩසටහන් ඉදිරිපත් කරනු ලබයි. සිරස තරුනයන් කැමරාව ඉදිරියේ ප්රාහසනයකට ලක් කලත් ‍නොකා නොබී බලා සිටීය හැකි ලෙසත් සවන් දිය හැකී ලෙසත් තම වැඩසටහන ඉදිරිපත් කරනු ලබයි. සිරස තරුනයන් කැමරාව ඉදිරියේ ප්‍රහසනයන්ට ලක් කිරීම ගැන වෙනම සාකච්චා කර යුතුව තිබේ. ඒ සදහා මෙම ලිපිය අවස්ථාවක් කර නොගනිමි. තවද දෙරණ Dream Star වැඩසටහන පලමු අදියරයට වඩා ගුනාත්මක බවකින් මේ වන විට සුමදුර ලෙස ගලා යන බවක් පෙනෙන්නට තිබේ. එහි ප්‍රහසනයන නැතිය. ශබ්ද පරිපාලන‍යෙන් ද ඉදිරිපත් කිරීමේ ගුනාත්මක බවින්ද ඉහල මට්ටමක පවත්වාගෙන යාමට සංවිධායකයන් උත්සහයක් ගන්නා බවක් පෙනෙන්ට තිබේ. එමගින් නවකයන්ගේ හැකියාවන් තව දුරටත් ත්‍රිවුර ‍කරනු ලබයි.කොපි කෙරුවත් එය හරියට කොපි කර ඉතා රසවක් වූත් ආකර්ශනීය වුත් වැඩසටහන් ඉදිරිපත් කරන්නේ නම් මැනවිය. කරන්නන් වාලේ නොකර තියෙන දේත් නීරස නොකර වඩා හරවත් වූත් රසබර වූත් දෙයක් දෙන ලෙස අපි මෙම මාධ්‍යය ආයතනයන්ගෙන් ඉල්ලා සිටිමු.


     මේ සා විසාල මුදල් කන්දරාවක් වියදම් කිරීමෙන් ඔවුන් බලාපොරොත්තු වන කාරනාවන් අපට හරි හැටි ධාරනය කරගනු බැරිය. නමුත් කිසිදු සුවිශේෂත්වයක් නැති මෙවන් තරග කරුවන්ට මේ සා විසාල මුදල් කන්දරාවක් වියදම් කරන වෙලේ අප වෙනුවෙන් මානුෂීය මෙහෙයුමේ අසීමිත කැප කිරීම් කල වීරෝදාර රණවිරු සහෝදර සහෝදරියන් වෙනුවෙන් යමක් කලානම් සැබැවින්ම ශ්‍රි ලාංකාවට අභිමාණයකි.

2009/10/20

උපතින්ම දෙසවන් නෑසෙන්නන් කල්පනා කරනුයේ කෙසේද?

     අපට අදහස් ප්‍රකාශ කිරීමටද අදහස් හුවමාරු කරගැනීමටද අදහස් ගොඩනැංවීමටද ක්‍රම 3ක් ඇතැයි මම අනුමාන කරමි. ඒ නම්


1. ශබ්දානුකූල භාෂා මාධ්‍ය ය
2. චලන හෝ නිශ්චල රූප මාධ්‍ය ය
3. හස්ත හෝ ශරීරාංග චලන මාධ්‍ය ය


     අදහස් ප්‍රකාශ කිරීමටද අදහස් හුවමාරු කරගැනීමට අපට ඉහත දැක්වු තුන් ආකාරයම උපකාර කර ගැනීමට හැකි වුවත් අප යම් සිතිවිල්ලක් ජනිත කරවීම උදෙසා මින් උපකාර කර ගනුයේ කිනම් ආකාරයද? මාගේ අදහස හැටියට නම් සාමාන්‍ය මිනිසුන් සාමාන්‍යයෙන් හිතනුයේ තම මවු භාෂාවෙන්ය. එවිට යම් ස්ථානයක්, වස්තුවක් හෝ සිදුවීමක් මතක් කර ගැනීමටත් උපකල්පනය කර ගැනීමටත් රූප මාධ්‍යය හෝ ශරීරාංග චලන මාධ්‍යය උපකාර කර ගත හැකිය. එය එසේ නම් උපතින්ම දෙසවන් නෑසෙන්නෙකු සිතනුයේ කුමනාකාරයටද? මක් නිසාද යත් ඔහුට කිසිදු ශබ්දයක් නෑසෙන හෙයින් ඔහුට ශබ්දමය භාෂාවක් නැති නිසාය. නමුත් ශරීරාංග චලනය මගින් ඔහුටද අන් අය සමග අදහස් ප්‍රකාශ කර ගැනීමට හැකියාව ඇත. එසේ නම් ඔහු සිතිවිලි ජනිත කරනුයේද ශරීරාංග චලන මාධ්‍ය ය කින්ද? එසේ යයි අනුමාන කරන්නේ නම් ස්ථාන නාම පද (උදා-මහනුවර, ඇමසන් වනාන්තරය) වැනි දෑ ඔහු සිතනුයේ කුමන ආකාරයටද?


     සාමාන්‍යෙෙයන් අප ඇද උඩට වී කල්පනා කරනුයේ මවු භාෂාවෙන් නම් උපතින්ම දෙසවන් නෑසෙන්නෙකු කල්පනා කරනුයේ ද සිතනුයේ ද සිතිවිලි ජනිත කරනුයේ ද කුමන ආකාරයකටද? මට ප්‍රශ්නයක් වු මෙය ඔබටද ඇති වු ප්‍රශ්නයක් විය හැකිවාක් මෙන්ම මේ සදහා තාර්කික උත්තරයක් නැත්තවුන් සමහරෙක් මෙය මෝඩ ප්‍රශ්නයක් යැයි සිතා ඉවතලනු ඇත. ඉන් ඵලක් නැත. තර්කා‍නුකූල සෙ අදහස් ප්‍රකාශ කල හැක්කන් ඔබගේ වටිනා තර්කයන් ඉදිරිපත් කරන ලෙසත් මේ සම්බන්ධව විද්‍යාත්මක උත්තරයක් ඔබ දන්නවානම් හා ඒ සදහා මිඩංගු කිරීමට කාලයක් ඔබ සතු නම් මා හට එය පහදා දීමට කාරුණික වන ලෙසත් ඉල්ලා සිටිමි.

2009/10/19

මමත් පෙම් වතෙක්

චලන චිත්‍රවලින් නැරඹු, නව කථා වලින් කියවු ඒ සුන්දර පෙම්වතා වන්න මමත් කොයිතරම් සිහින මැවුවද. හුරතල් වෙන්න, රන්ඩුවෙන්න, සවාරි යන්න කොපමන හීන මැවුවද. මගේ ඒ සිහින මගේ නෙතු මානෙට ගෙන ආව අහිංසකම සමනලී ඔයයි, සදමෙන් සුන්දර මගේ පෙම්වතී ඔයයි. මගේ ඒ සිහින මාළිගා අහසේ පාවෙන දිලිසෙන තාරුකා මෙන් වර්ණවත් සිත්තමක් කල සිත්තරා ඔයයි. හරිම හුරතලේට බොලද කථා කවි ලෙසින් කියන්නේ මමත් පෙම්වතෙක් වුන ඉමහත් වු ඒ ප්‍රීති ප්‍රමෝදයෙන් නැහැවෙමින්.


මමත් පෙම් වතෙක්
නැහැ වෙමි ප්‍රථම ෙප්‍රමයෙන්
බොලද කථා හුරතලේට
කියමි කවි ලෙසින්


මගේ පෙම්වතී
අහසේ සදවතී
සොදුරු සිහින නෙතු මානෙට
කැන්දු සමනලී


සිහින මාළිගා
අහසේ තාරුකා
හදවත තුල සිත්තම් කල
සිහින සිත්තරා

2009/10/16

චන්ද්‍ර චාරිකාවේ ශ්‍රි ලාංකිකයෙකුගේ සිහිනය

මේක මටම වුන සත්‍ය සිදුවීමක්. අපි හදට ගිහින් 40 වෙනි අවුරුද්ද ද කොහෙද සැමරුවානේ ජුලි 20 වෙනිදා මට මතක හැටියට. අන්න එදා තමයි මේ සිදුවීම වුනේ. එදා ඉතින් දවසෙම ඇහෙන්නේ සද සද නීල් ආම්සිෙට්‍රා්න්ග් ඇපලෝ 11 ඇමෙරිකන් කොඩිය නාසා ආයතනය වගේ වචනනේ. ඉතින් මමත් අන්තර්ජාලය පීරලා චන්ද්‍ර ගමන ගැන විස්තර හෙවුවා එදා දවසෙම. ඒ අතරේ ‍ගොඩක් දුරකට පිළිගත හැකි සාදක තියෙනවා චන්ද්‍ර ගමන බොරුවක් ය කියන එක තහවුරු කරන්න. ඒවා ගැන පසු වෙලාවක කථා කරමුකෝ. කෝම හරි ඉතින් දවසෙම චන්ද්‍ර කථා අහල අහලා මට එදා රැ නින්දෙනුත් චන්ද්‍ර ගමනක් තමයි දැක්කේ. හැබැයි වෙනසකට තියෙන්නේ ඒ හීනේ ගගන ගාමියා ශ්‍රී ලාංකිකයෙක්. ‍ආඩම්බරයි නේද? හිහ්... හිහ්... හිහ්... මේ ලියන මම ම තමයි ගගන ගාමියා. හිහ්... හිහ්... අහ් කියවල බලන්නකෝ මගේ චන්ද්‍ර චාරිකාවේ තොරතුරු කෝමද කියලා.


නිහඩ රැයක නිදි දෙව් දුව මට කථා කලා
දෙනෙත පියන් ඇගෙ පහසට මම තුරුළු වුනා
ඇගෙ පහසින් සියොලග මගෙ මට අහිමි වුනා
තරු අතරින් සද ගාවට අපි ලගා වුනා


සදේ තැනක් පිරිමැද
දොරක් විවර කල ඇය
ඈත් එක්ක ඇතුල් වෙන්න මට අත දුන්නා
දොරෙන් ඇතුල වුන මම
දසුනින් ගැස්සුනා හදවත
රූබර සුර දූත ලියන් කෙලිදෙලෙන් ඇත


මේ සැබෑ සද මද
විගහින් බැලුවා වට පිට
සුර බවනේ බ්‍රාන්ච් එකක් මේහේ දාලද
අනේ මන්ද මා ගැන
මටත් දුමක් වැදිලද
කෝ එතකොට මං ගෙනාව ඇපල් යානය


නොරැදී එක තැන
මම දිවුවා හැමතැන
සැබැහින් දැක ගන්නට ඇමෙරිකානු කොඩිය
මට තියෙන කුලප්පුව
සදේ වත් නැහැනෙ නිසංසුව
පයලිස්සා ගිහින් වැටුනා සදෙන් පහලට


මගේ හුස්ම හිර වුනා
ගුවනේ පාවෙලා ගියා
ඒ එක්කම පෘථිවිය මත ගැටුනා දැනුනා
මම මැරිලා නැති නිසා
බැලුවා හොයලා කාරනා
බැලින්නම් මා ඇදෙන් වැටිලා දගලපු නිසා

2009/10/14

ප්‍රවෘත්ති විකාශනයන්ගේ අදෝනාවන් තවත් ඉවසා සිටිමුද?

     රූපවාහිනී හා විත්‍රපට මගින් කාමුක රැල්ල කෙමෙන් කෙමෙන් දුරුවී යන සමයක වර්ථමානයේ නව ආරක රැල්ලක් නිර්මාණය වෙමින් පවතිනවාදෝයි යම් සැක සංකාවක් මගේ සිතට කාන්දු වෙමින් පවතිනවා. සමහර විට ඔබටත් එය දැනිලා ඇති කියලා මම සිතනවා. ඒ තමයි අධි සංවේදි දර්ශන, හඩ පට හා සංගීත කොටස් ඇතුලත් රුප රාමු විකාශනය කිරීම.


     රූපවාහිනී නාලිකා තමන්ගේ වැඩසටහන් ජනතාව අතර ප්‍රචලිත කිරීම උදෙසා තම වැඩසටහන් නානාප්‍රාකාර අයුරින් ඉදිරිපත් කිරීමේ තරගයක යෙදී සිටීන අතර සිරස ආයතනය මගින් තරුවක් වීමට බලාපොරොත්තුවෙන් සිටින තරුන තරුනියන් කැමරාව ඉදිරියට ගෙන්වා මුළු ලංකාවටම පේන්න ප්‍රහසනයට ලක්කර ඔවුන්ගේ චරිතය ඝාතනය කර SUPER STAR නම් තම වැඩසටහන ඉතාමත් ඉහල ජන ආකර්ෂණයක් නතු කරගත්තා. පසුව වෙනත් නාලිකාද ඒ අනුකාරක වැඩසටහන් ඉදිරිපත් කලා හා කරමින් සිටිනවා. මෙයද එක් ආකාරයක ජන ආකර්ෂණය ලබා ගැනීම උදෙසා ජනතාවගේ චරිත ඝාතනය කරන එක් වැඩසටහනකි. හිනා ඉනා නම් වැඩසටහන මගින් ද පදිකයින් මුලාකර සිනාසුනා. මා මෙය උදාහරණයක් විදිහට දැක්වූයේ එය ඉහලම ජන ආකර්ෂණයක් ලබා ගත් වැඩ සටහන් නියාවෙනි. නමුත් එය තම ස්ව කැමැත්තේන් ඉදිරිපත් වී ප්‍රහසනයට ලක් වීමක් නිසා ඒ ගැන වෙනම කථා කල යුතුව තිබේ. ප්‍රශ්නය මෙය නොව ප්‍රශ්නය වන්නේ රූපවාහිනි නාලිකා මගින් අධි සංවේදි දර්ශන ඇතුලත් රූප රාමු විකාශනය කිරීමට පෙලබීමක් ඇති වී තිබීම යි. විශේෂයෙන් ස්වර්ණවාහිණිය මගින් මෙම නව රැල්ල නිර්මාණය කිරීමෙහි ලා මූලික අඩිතාලම දමා තිබේ.


     යෙහෙලී වැඩසටහන මගින් හිංසනයට පත් වූ කාන්තාවන් ගැන කථා කරනවාය කියා එම නිවේදිකාව ද ඉකිබිද හඩයි. සංවේදි ප්‍රශ්න අසයි. එමගින් හිංසනයට පත් වු කාන්තාවද කදුළු සලයි. වැඩසටහන නරඹන සංවේදි හිත්තැත්තෝද කදුළු සලයි. පුද්ගලිකව හෝ උත්තර දිය නොහැකි ප්‍රශ්න අසන වෙලාවල් ද නැතුවා නොවේ. මෙය දෙනෝදාහක් එකට සිට නරඹන වැඩසටහන් ය. එම නිවේදිකාව එම කාන්තාවන් තමන්ගේ යෙහෙලියන් මෙන් තුරුලු කරගෙන මවු සෙනෙහය රැකවරණය දෙන සේ කථා කරයි. කොතෙක් දුරකට එය සැබෑ සෙනෙහසක් දැයි අපි නොදනිමු නමුත් මෙම ගින් ඔවුන් බලාපොරොත්තු වන්නේ කුමක්ද?


     තවද ස්වර්ණවාහිනී හා සිරස ප්‍රවෘත්ති මුලිකව අනෙකුත් ප්‍රවෘත්ති මගින්ද මෙවැනි රූප රාමු ඉදිරිපත් කරනු ලබයි. මෘත දේහ බදාගෙන හඩන දර්ශන, මියගිය අයගේ භාරකරුවන් විලාප තියන දර්ශන, දුක්ඛ සන්තාපය හේතුවෙන් සිහිවිකලෙන් කරන කියන දැ හා ඔවුන් ගෙන් ඒ මොහොතේ ලබාගන්නා වාග් ප්‍රකාශ වැනි දැ විකාශනය කිරීම මෙම ප්‍රවෘත්ති ප්‍රකාශයන් මගින් සිදුකරනු ලබයි. ඒ සන්තාප මොහොතේ ඔවුන් කරන කියන දැ කුමක්දැයි ඔවුන් නොදන්නවා විය හැකියි. මේ කැමරා කරන්නේ මුළු රටටම පෙන්වන්න දැයි ඔවුන් නොදන්නවා විය හැකියි. දැනගත්තත් ඒ සදහා එරෙහි වීමට හැකියාවක් ශක්තියක් මානසිකත්වයක් නැතුවා විය හැකියි.


     ඒ වගේම මෙවැනි පුද්ගලික දර්ශන විකාශනය කිරීමට ඔවුන්ගෙන් ඔවුන් අවසර ලබාගත යුතු නොවේද? එලෙස අවසර ලබා නොගන්නේ නම් එය බලහත්කාර කමක් නොවන්නේද? තවද ස්වර්ණවාහිනිය මගින් සමහරක් දර්ශන ඔවුන් ත්‍රිතමාණ සජීවීකරණය ද වීඩියෝ ප්‍රයෝග බාවිතයෙන් ද හා සජීවි ලෙස ද ප්‍රථිනිර්මාණය කර විකාශනය කරනු ලබයි. ඝාතනය කරනු ලබන දර්ශන වෙදනාබර හඩ කොටස් ස්ත්‍රී අපයෝජන වක්ක්‍රාකාර දර්ශන හා හඩ කොටස් හා එවැනි සංසිද්ධීන් ත්‍රීවුර කරන්නා වූ වාදනයන් මුසුකර විකාශනය කරනු ලබයි. මෙමගින් ඔවුන් බලාපොරොත්තු වන සමාජ ප්‍රථික්‍රියාව කුමක් ද?


     මෙවන් දර්ශන නරඹන්නේ එකම ආකාරයක හිතැත්තෝ නොවේ. වැඩිහිටියන් නරඹනවා විය හැකියි, කුඩා ළමුන් හෘදයාබාද සහිත රෝගීන් අධි සංවේදි හිත් ඇත්තන් පමනක් නොව පවුලේ සියළු දෙනා එකට සිට නරඹනවා විය හැකියි. ඒ විතරක්ද ඒ අවස්ථාවට මුහුණ දුන් අය පමනක් නොව එවැනි අත්දැකීමකට මුහුන දුන් අයද නරඹනවා විය හැකියි. එමගින් ඒ අවස්ථාවට මුහුන දුන් අය ද ඒ පවුලේ සාමාජිකයන් හා නැදැ හිතවතුන් සමාජ‍ය ඉදිරියේ ලජ්ජාවට පත්නොවන්නේද? සමාජය ඉදිරියේ අපහසුතාවයන්ට පත්නොවන්නේද?


    මුළු දවස ති‍ස්සේ වෙහෙස මහන්සි වී හෙම්බත් වී සිටින අප ගෙදර රූපවාහිනය ඉදිරියට කිට්ටු වන්නේ දවසේ වෙහෙස මහන්සිය දුරුකර ගැනීමට හා රට ලෝකයේ අද දවසේ සිදුවුන දැ ගැන දැනීමක් ලබාගැනීමට හා රසාස්වාදයක් වින්දනයක් විද හිසේ පවතින්නාවු බර ගතිය අඩුකර සැහැල්ලු වීමට විනා මෙවැනි ඇඩියාවන් නරඹා තවත් බරක් හිසට දමා ගැනීමටද? මෙවැනි ප්‍රවෘත්තිද අප අසා දැන ගත යුතුය. ඒ අගේම එවන් තොරතුරු විකාශය කිරීමටද ජනමාධ්‍යහට අයිතිය හා හැකියාව තිබේ. නමුත් එම අයිතිය හා හැකියාව තම ආයතනයේ ප්‍රසිද්ධිය හා වැඩසටහනේ ජන ආකර්ෂණය උදෙසා භාවිතා නොකර යම් ශීලාචාර කමකින්ද ශිෂ්ඨ සම්පන්න කමකින් ද එමගින් එම අවස්ථාවන් හට මුහුණ දුන් හා සම්බන්ධ අයට අවැඩක් ලජ්ජාවක් අපහසුතාවක් ඇති නොවන අයුරින්ද ඉදිරිපත් කරන්නේ නම් මනා යැයි මගේ හැගීමයි. ඔබත් මේ පිළිබදව අවදියෙන් ද?


2009/10/12

පෙම්වතුන් අප පෙම් නොකරම හමු වූ

     ප්‍රේම විවාහයද යොජිත විවාහයද කියලා පොඩි තර්කයක් ඉස්සර තිබුණාය කියලා දවසක් දා මට තාත්තා කිවුවා. නමුත් දැන් ඒ වගේ තර්කයක් නැහැනේ. වැඩිමනක් වෙ‍න්නේ ආදරය මත සිදුකෙරෙන විවාහයනේ. ආදරයක් මත සිදුවුන විවාහයක් වුනත් පහුවෙනිදා ඉදලම වලි කේස් නේ දැන් කාලේ. කෝම වුනත් යෝජිත විවාහයකින් වුනත් සාර්ථක විවාහ දිවියක් ගත කරන්න පුළුවන් බව අපේ පසු පරම්පරාවන් ඔප්පුකරලා තියෙනවා. මේ ගීතයත් මම රචනා කලේ එවැනි මා දන්නා හදුනන දෙදෙනෙකු පසබිම් කරගෙන. ඔවුන් යොජනාවක් මත විවාහ වෙලා දරු මල්ලන් හදලා ඔවුන් රටට වැඩදායි පුරවැසියන් කරලා අද ජිවිතයේ සැදැසමය සතුටින් ගත කරන ඔවුන් ට මේ වගේ සිතිවිල්ලක් පහල නොවුනහොත් තමා පුදුමය.


පි-  පාරමිතා නොපුරා හමු                                 වූවට
      පාරමිතා පුරමු අපි                                 දෙන්නම
ගැ- මතු සසරෙත් අපි අපේම                       වන්නට
      හමු වී මෙලෙසම තුටින්                       හිදින්නට


පි-   නෙතු නැත හිටි හැටියේ යේ හමු                 වූ
       පෙම් බස් නැත මල් ගස් යට                ලෙපලු
ගැ- පෙම් පත් නැත අප තැන තැන             හැන්ගු
       පෙම්වතුන් අප පෙම් නොකරම            හමු වූ


ගැ-  නෙත නැත රිදවා කදුලැල්                     සලපූ
       සැරවදනක් නුබ මුවගින් පිට                        වූ
පි-   නුබ නැත රිදවා සතුටක්                         ලබපු
       දිනයක් නැත අප නොදොඩා                  හිටපු

2009/10/09

දඩු මොණෙරෙක නැගී සිදාදියට ගියා

මටත් හිතුනා “අජානේය ස්කූටර” ගීතයේ ඇති ලෙස ගැමි වහරත් වැඩිය භාවිතයේ නැති වචනත් භාවිතා කරමින් ගීතයක් ගොඩනගන්න. පොඩි උත්සහයකින් පස්සේ යාන්තමට පොඩි කවි හතරක් ගැට ගහගන්න පුළුවන් වුනා. අජානේය ස්කූටර ගීතයෙන් ප්‍රකාශ වන අදහසට සමගාමි අදහසක් තමයි මමත් ජනිත කරන්න උත්සහ කලේ. මේකෙන් කියවෙන්නේ නෑනැ මස්සිනා ප්‍රෙමයක්. කෝම හරි පෙම් පෙරාගෙන හිටිය නෑනා කොල්ලට පොල්ල තියලා නාගරික කොල්ලෙක් එක්ක ගමෙන් පැනල ගීයාම පරාජිත පෙම්වතා‍ගේ හිතේ ගොඩනැගුණු දුක්බර සිතිවිලි සමුදායක් තමයි මේ පැදියෙන් මම කතන්දරයක් කරන්න උත්සහ කළේ. මම හිතනවා මම යම්තාක් දුරකට සාර්ථක වුනාය කියලා. කට්ටිය කියවලා බලන්නකෝ කෝමද කියලා. නොදන්න වචනයක් හරි නොතේරෙන අදහසක් හරි තිබුනොත් අහන්නකෝ කියලා දෙන්නම්.


විදි විහිගුම් සා මඩොළු යුත් ගස් සෙවන යට
හුදකලා වු මා ළය මඩල අද
සමයක් තිබුනා නුබෙ උණුසුමට යට
සිසිවන උවන නැහැ තනියමයි මම


පෙරමා කීවද නුබගේ සැගවු රුව
නිස්සංකවයි පැතුවේ එක රුත්තේ සුව
නොමින් නදන ප්‍රිය තෙපුල් මුගුරක් උවක දින
කදුරක් වේවිද නෙතගින් ගලන දිය


කිදෙලෙක පෙර ගී කියමින් සිටි මැඩියා
රතඹර පොකුනකට රහසේ පැන ගත්තා
මගේ හදේ ඔයා සුසුම් පොදය කියා
දඩු මොණෙරෙක නැගී සිදාදියට ගියා


පර්වත පා මුල මාගේ පුංචි පැලේ
ගොම පිරිබඩ කල නිසාවත් නැතිවද නුබට සුවේ
වන සූකරයින් කිරි ගොයමට කරපු විනේ
නුබත් කලා මගේ ආලෙට බැදෑණියේ

2009/10/08

අජානේය ස්කූටර තුරගා පිට වඩිනා

     රත්න ශ්‍රී විජේසිංහයන්ගේ අපූරු සංකල්පනාව සංගීතවත් කරල තියෙන්නේ ගුනදාස කපුගේ ශුරීන්, ළයාන්විතව ගායනා කලේ කරුණාරත්න දිවුල්ගනේ ගායන ශිල්පියා විසින් (දැන් ඉතින් එතුමා ආන්ඩුකාර උනනැහේ කෙනෙක් නොවැ) කොහොම උනත් ඉතාමත් සුන්දර නිර්මාණයක්.

                                                අජානේය ස්කූටර තුරගා පිට                   වඩිනා
                                                කුමාරියනි වාත වේගයෙන් ඉගිලෙනු කොතැනා
                                                බදා හිමි දෙවුර එසවී පුරවර සිරි               බලනා
                                                විලාසයට නුබේ කිරුළ බිම වැටෙයි ද      සිතුනා

     කට්ටිය ඇටමිදුළු මස් නහර හිරිවැටෙන තරමට මුළු ශරීරයෙන්ම රසවිදලා ඇති කියලා හිතනවා. ඉස්සර මේ වගේ ගීත නිර්මාණය වුනේ දැන් කාලේ චක බක ගීත වාගේ ඩාදිය දානකන් නටලා හතිඅරින්න නෙවෙයිනේ. මේ වගේ සුන්දර නිර්මාන රසවිදින විට රෝම කූප පවා සෘජුකරණය වෙනවා. සහරා කාන්තාරයේ හිටියත් ඇගේ සීතල හිරිගඩු පිපෙනවා.

                                              සූසැට ශිල්පය උගෙනා පාරගතව          ගියෙනා
                                              පාරේ වැඩට හවුල් වෙන්න උදැල්ල මට ලැබුනා
                                              මා ගත ඩා බිදු හදුනා හාදයා සිනා            නගනා
                                             ෙප්‍රම වන්ති විලවුන් ගැ ලේන්සු පට      සිබිනා

     ගොඩක් දෙනෙක් දන්නේ කපුගේ ශූරීන් ගායකයෙක් විදිහටනේ නමුත් බලන්න මෙහි එතුමාගේ ඉතාමත් මදුර වූ සංගීත රටාවන් මෙම ගීතයට ආරූඩ කරලා තියෙන ආකාරයන්. දිවුල්ගනේ මහත්තයගේ VOICE එක ගැන ආයේ කියන්න දෙයක් නැහැනේ. තමා ෙපු්මයෙන් පරාද වුනාය කියලා මර ලතෝනි තියා කෙල සොටු පෙරා ලංකාවටම ඇහෙන්ට පැය 24 ම තොරතෝන්චියක් නැතිව හඩන මුතුකුමාරන වැනි සිල්ලර ගායකයන්ට මෙවන් වු නිර්මාණ රසවිදිනට අවස්ථාවක් සලසා දිය යුතුයි. දිවුල්ගනේ ගේ ඒ ගැඹුරු කටහඩින් අරවන් පරාජිත ප්රේ්ම හැගුම් ඉතාමත් සෞම්‍ය ආකාරයට අපගේ දෙසවන් මත්තට ගෙන එන ආකාරය බලන්න. එවන් වු මදුර හඩවල් අහන්න අපගේ දෙසවන් පින් කරලා තිබුනා. නමුත් අපෙන් පසුව එන පරපුරට මෙවැනි සරල වූත් උසස් වූත් නිර්මාන රසවිදිනට අවස්තාවක් තිබේදැයි සැක සහිතයි. ඒ කෙසේමුත් අපෙන් පසුව එන සනුහරේට අපි මේවන් උසස් නිර්මාණ ආරක්ෂා කරලා තැබීය යුතුයි.

                                          සදාකල්ම පෙම් වතුන්ගේ සිහින පුරා    පිපෙනා
                                          උදුම්බරා මලක් තියේ ආදරයැයි          කියෙනා
                                         රැ තුන්යම සුවද උලා උදැසනින්           මැකෙනා
                                         කාට අහිමි උනත් සාදු මල් පිපියන්          සැමදා

     මම මේ ගීතයේ කපුගේ ශූරීන්ගේ සංගීතයටත් දිවුල්ගනේ මහත්තයගේ කටහඩටත් වඩා මා ආල වඩන්නේ රත්න ශ්‍රී විජේසිංහ මහත්තයගේ ඉතාමත් ළගන්නා ගී පැදියට යි. බලන්න මෙහි පද ගැලපීම, අපට නිතර දෙවේලේ ඇසෙන ගීතවල ඇති එකම පද එකම වචන ටිකමද තියෙන්නේ කියලා. අපට බොහෝ ගීතවලින් ඇසෙන්නේ එකම පද නැතිනම් එකම වචන ටිකක් නේ. නමුත් රත්න ශ්‍රී මහත්තයගේ ‍මේ ගීතයේ එසේ නැහැ. මේ වචන අපි නිතර දෙවේලේ භාවිතා කරනවා අඩුයි. නමුත් එතුමා මෙමගින් උද්දීපනය කරන්න යෙදුන අදහස එම වචන වලින් ගම්‍ය වන ආකාරය ඉතාම ප්‍රසන්සනීයයි. මෙම වචන ටික ගම්බදව භාවිතා කරන වචන ටිකක් වාගේ පෙනුනත් වචන සියල්ල එක්වු කල්හී ඇතිවී තිබෙන්නේ අමුතුම ආකාරයක රසයක්. ඒ වගේම සරල ගීතයෙන් මදක් ඔබ්බට ගිය පැදිපෙලක් කිවුවත් මම වැරදි නැහැ. කොහොම නමුත් සරල ගීතයත් සුභාවිත ගීතයත් අතර මැදි අවස්ථාවක පිහිටන පැදියක්.

     රත්න ශ්‍රී යන්ගේ හදවතේ ගොඩනැගුන මෙම ගමේ දුප්පත් තරුනයාත් ගැමි තරුණියත් නාගරික තරුනයාත් අතර දොළනය වු පෙම් පුවත මෙම තුන් කට්ටුවේ එකමුතුවෙන් අපට ඉතාමත් මනස්කෘත රූපාවලීයක් මවලා දුන්නා. මෙවැනි ගීතයන් රස විදීමට රූප රචනයන් අවශ්‍ය වෙන්නේ නැහැ. ඒ මක් නිසාද යත් ඒ ඒ පදයන් හා සංගීතය හා කට හඩ මගින් දෙසවනට පමනක් සීමා නොවී අප හදවතේ මන බදිනා රූපාවලීයක් ජනිත කරනු ලබන නිසාවෙන් ය. ඉතිත් ඔබත් මමත් රස විදි මේ ගීතය මගෙන් පසුව එන ඇත්තන්ටත් රසවිදීමට අවස්ථාව ලැබේවා කියා ප්‍රාර්ථනා කරමු.

2009/10/02

දුන්නොත් ගනීද හසුන ඔයා

මම ඊයේ මගෙ පරණ පොත් ටිකක් පෙරලුවා. එතකොට තමයි මේ ගීතය හම්බ වුනේ. මේ ගීතය ලියලනම් සෑහෙන කාලයක් වෙනවා. මම මේක ලියුවේ කෙල්ලෙකුට 11 වසරදි හැබැයි මගේ Line එකකටනම් නෙවෙයි. මේක කුලී පදනම මත ලියපු එකක්. ඒ දවස් වල Mobile Phone කරලියට බැහැල තිබුනේ නැහැනේ. ඉතින් තනිකරම Love කෙරුවේ Letters මගින් තමා. මම ඒ දවස්වල Part Time job එකක් විදිහට කෙල්ලන්ට Love Letters ලිවුවා. ගාස්තු වශයෙන් එක Letter එකකට මාළු පාන් ගෙඩියක් දෙකක් හරි රෝල්ස් දෙකක් හරි අයකරගත්තා. අසාධාරනයක් නැහැ නේ නේද මගෙ ගාස්තු ක්‍රමය. මම ඒ දවස් වල Love Letters ලියන්න Cup ගහලා හිටියේ. ඉතින් මේක ලියුවෙත් අන්න ඒ විදිහේ ආදර කථාවක මූලාරම්බයක් විදිහට. මේ කථාවේ කොල්ලගේ නම ඉදුනිල් කෙල්ලගෙ නම ගංගා. ඉදුනිල් කිවුවා "මචං අලුත් Line එකක් ‍Set උනා ලියා දීපන්කෝ Letter එකක්” කියලා. ඉතින් මාළු පාන් ගෙඩි දෙකකට ඉදුනිල් වෙනුවෙන් මගේ අතින් ගංගාට ලියවුනු මේ ‍ගීතමය පෙම් හසුන කියවලා කියන්න බලන්න මගේ Love Letters සාහිත්‍යය කෝමද කියලා. අහ් මේ වගේ කුලී පදනම මත ලියවුනු තව Love Letters සාහිත්‍යය කෘති කිහිපයක් තියෙනවා. ඒවත් ඉස්සරහට දෙන්නම් කො. :D


කුරුටු ගෑ මුත් පිටුවක් අරගෙන
ලියනු සිතා පෙම් හසුන් පත
අමතනු කෙලෙසද ලියන්නෙ මොනාද
පෙම් සිත මගෙ කලබලයි අද


නම ගම මොකද්ද ඉන්නේ කොහේද
කාගේ කවුරුද කෙල්ලේ ඔයා
වෙනෙකෙකු සිටීද කවුරුත් දකීද
දුන්නොත් ගනීද හසුන ඔයා


සැම තැන දුව ගිය සිත එක්තැන් කර
පහන් පැලක් කල කෙල්ලේ ඔයා
මා ගැන අදහස හිත තුල මොනාද
කියා ලියා මට දෙන්න ඔයා

2009/10/01

පුද්ගලික විශ්වවිද්‍යාල ගැටුම

වර්ථමානයේ පුද්ගලික ෙෙවද්‍ය විද්‍යාල පිළිබදවත් පුද්ගලික උසස් අධ්යාධපන ආයතන නැතහොත් පුද්ගලික උපාධි ආයතන පිළිබදව කථාබහ කතිකාවතින් පරිභාහිරව ගුටිබැට හා ඝෘජු විරෝධතා දක්වා උඩුදුවලා තියෙනවා. මේ සදහා ප්‍රධාන විරෝධතා පාර්ශවය වන්නේ රජයේ විශ්ව විද්්‍යාල සිසුන්. ඔවුන් පවසන්නේ පුද්ගලික උපාධි ආයතන මගින් නිදහස් අධ්‍යාපනය පුද්ගලීකරණය වීමක් සිදුවන බවත් එමගින් අධ්‍යාපනයේ ගුනාත්මක භාවය කෙලෙසෙන බවත් ය. මේ පිළිබදව නොසැහෙන දේ කථා කල හැකිවුවත් පාඨකයන්ගේ කියවීමේ රුචිය තකා ඉතාමත් සාරාංශ ගතව කථා කිරීමට කැමැත්තෙමු.

පුද්ගලික විශ්වවිද්‍යාල යනු රජයේ මැදිහත් වීමකින් තොරව පුද්ගලික ආයතන මගින් උපාධි පිරිණමන ආයතන යැයි අප සිතමු. එවිට මෙහිදී මතුවන ගැටළුව වන්නේ කිසිදු අධ්‍යනයකින් තොරව උවද කෙනෙකුට මුදල් ගෙවීමෙන් උපාධියක් ලබාගැනීමට ඇති හැකියාව පිළිබදව පැන නගින සාධාරන සැකයි. මක් නිසාද යත් පුද්ගලික ආයතනයකට මුදල් හම්බ කිරීම මිසක් රටට වැඩදායි හෝ ගුණාත්මක පිරිපුන් උගත් උපාධිදාරියෙක් බිහි කිරීමට ඇති උවමනාව පිලිබදව ගැටළුවක් තිබීමයි.

එය එසේ නොවීය යුතුය. රටකට උපාධිදාරීන් වැඩිවීම රටේ දියුණවට ප්‍රධාන සාධකයකි. දොස්තර වරුන් වැඩිවීම ඉංජිනේරුවන් වැඩිවීම රටේ වාසනාවකි. රටට සම්පතකි. එය එසේ නම් මොනයම් ආයතනයකින් අධ්‍යනයකලත් එම උපාධාරීන්ගේ දැණු‍මේ හා හැකියාවන්ගේ සමාන කමක් තිබීය යුතුය. දැණු‍මේ හා හැකියාවන්ගේ වෙනසක් තිබීමට ඉඩක් නොතැබිය යුතුය. පුද්ගලික විශ්වවිද්‍යාලත් රජයේ විශ්වවිද්‍යාලත් අතර ගැටුමක් ඇති වනවානම් ඇති විය යුත්තේ මෙතැනය. නැතහෝත් තමන්ගේ වෘත්තීය අවස්ථාවන් නැතිවනවාය යන වක්‍රාකාර පටු ආකල්පයෙන් නොවීය යුතුය.

නමුත් ඉතාමත් සරළ ක්‍රියාවයාවක් මගින් මෙහි දී මතුවන ගැටළුව ඇති වීම වැලැක්වීය හැකිය.රජයේ විශ්වවිද්‍යාලයකින් වේවා පුද්ගලික විශ්වවිද්‍යාලකින් වේවා ස්වයං අධ්‍යනයකින් හෝ වේවා මේ කුමන ආකාරයකට ඒ උපාධි මට්ටම දක්වා ඉගෙන ගත්තත් ඔවුන් රජය මගින් පවත්වන්නා වූ ඒ ඒ උපාධියට අදාලව පොදු පරීක්ෂනයකින් නැතිනම් පොදු විභාගයක් මගින් සමාජයට මුදා හැරීමයි.එම පොදු පරීක්ෂණය මගින් ඔවු‍න්ගේ හැකියාවන් තීරණය කල යුතුය.එම පොදු පරීක්ෂනය සමත් වන්නා එම තනතුරට නුසුදුස්සෙක් යැයි එවිට තර්ක කිරීමට ඉඩක් නැත.පුද්ගලික විශ්වවිද්‍යාල නම් ක්‍රියාවලීය නවතනවා වෙනුවට මෙවැනි පොදු සමානාත්මතාවයෙන් ද රජයේ ඝෘජු මැදිහත් වීමෙන් හා විනිවිදශීලි ක්‍රියාවලීයක් මගින් එම උපාධිදාරීන් සමාජයට මුදා හරින්නේ නම් ගැටුමක් පැන නොනගින අතර රටට වැඩදායි උගතුන්ගේ සීඝ්‍ර වර්ධනයක් දැක ගත හැකි වනු ඇත.